Oporren aurreko azken jardunaldia izan da pasa den asteburuan. Alde batetik jokatzeko falta ziren gazte mailako eta infantil-kadeteko partida bana berreskuratzeko erabili da, eta bestetik mikrofutsalekolehen jardunaldia jokatzeko. Areto futbolean, emozioak jarraitzen du gazte mailan, izan ere oraingoan Txalburuk taldeak irabazi zuen 5-4 Bidania-Goiatzen aurkako partida. Kanpokoak 1-3 irabazten jardun ziren, baina etxekoek horri buelta emateko gai izan ziren.

Infantil-kadetetan, berriz, Lizartza-Orexak 8-3 menderatu zuen Errezil, nahiz eta agian emaitza handiegia izan zen ikusitakoarekin alderatuta.

Mikrofutsaleko lehen jardunaldia Betelun jokatu zen, eta beteluarrek, gainera nesketan talde bat eta hiru mutiletan aurkeztu zituzten.

Nafarrak lehen aldiz aritu dira Gipuzkoako Herri Txikietako Ligan. Amaieran Orexa izan zen garaile mutiletan, sailkapenean berdinduta amaitu ostean, penaltietara irabazi zion Ikaztegieta B taldeari. Atzetik, Bidania-Goiatz B, Betelu B, Betelu C, Betelu A, Bidania-Goiatz A, Ikaztegieta-Lizartza eta Ikaztegieta A sailkatu ziren.

Nesketan, Bidania-Goiatz izan zen onena, eta bigarren postua penaltiek erabaki zuten, eta hor Beteluk menderatu egin zuen Ikaztegieta-Altzo.

FVFS