Goi mailako areto futbola ikusi ahal izan da azkeneko jardunaldi honetan. Gazte mailako eta infantil-kadetetako partida bana atzeratu dira, izan ere Gabonak pasa arte ez baita berriro ligarik jokatuko, eta horregatik aipaturiko bi partidak datorren asteburura pasa ziren. Jokatu dutenek, ordea, sekulako ikuskizuna eman dute.   Infantil-kadetetan, Gaelek eta Ikaztegietak eskeini zuten ikuskizuna bikaina izan zen, bi taldeek ikaragarrizko neurketa eman baitzuten. Ikaztegietak 4-5 irabazi zuen, baina emaitzarik justuetan berdinketa bat izango zen, bietako edozeinek irabazteko modukoa izan baitzen.   Alebinetan ere partida ederrak izan dira. Ikaztegieta-Baliarrainek eta Igeldok jokatzen zutena zen interesgarriena, sailkapeneko aurreneko biek jokatzen baitzuten, eta ikuskizun aparta eman zuten. Puntuak etxean geratu ziren, Ikaztegieta Baliarrainek 9-7 irabazi baitzuen, eta lehen itzuliaren amaieran sei puntuko aldea kentzen dio Igeldori, eta orain baita Txalburuki ere, Abaltzisketakoek 10-6 irabazi baitzioten Leabururi, gol festa izugarri baten ostean. Bidania-Goiatzek, berriz, denboraldiko lehen puntua eskuratu zuen, Ikaztegietan 3-3 berdindu ostean. Neurketa hau ere bikaina izan zen, bietako edozeinek irabazteko nodukoa, eta azkenean emaitzarik justena eman zen.   Benjaminetan, Igeldok amaituko du lehen itzulia lehen postuan, Ikaztegietan Baliarrain-Ikaztegietari 1-2 irabazita. Partida oso polita izan zen hau, Txalburuk eta Leaburuk eskeini zuten bezalaxe. Hemen Abaltzisketakoek 5-4 irabazi zuten. Bidania-Goiatzek, 0-5 hartu zuen mendean Altzo.   FVFS