Amaitu da maila guztietan lehen itzulia. Albienen maila bakarrik jokatu da azken asteburuan, eta Ikaztegieta bakar-bakarrik geratu da lehen postuan, euren partida irabazi egin baitzuen, eta Bidania-Goiatzek, aldiz berdindu.

Bi punturen tartea dago orain aipaturiko bi talde horien artean. Ikaztegietak Igeldon jokatzen zuen eta 2-6 irabazi zuen. 0-2 aurreratu ziren, baina etxekoek,bi penaltiei esker, berdindu egin zuten, baina gero kanpotarrek beren nagusitasuna erakutsi zuten.

Bidania-Goiatzek 6-6 berdindu zuen etxean Lizartza-Orexarekin, partida eder baten ostean. Mugimendui handia izan zen markagailuan eta jokoan, baina puntu banaketarekin amaitu zen
partida.

Azkenik, Txalburuk taldeak 9-1 irabazi zion Ikaztegieta-Baliarraini, mailako talderik gazteenari. Jokoan ez zen horrenbesteko aldea egon, baina bai geldikako jokaldietan, hor erabaki baitzen neurketa.

Honen ostean atseden izango da urtarrilaren 11ra bitarte. Asteburu horretan alebinek bakarrik jokatuko dute, eta mikrofutsaleko zirkuitoko lehen jardunaldia jokatuko da. Liga urtarilaren 19an itzuliko da.

Argazkia Txalburuk / Ikaztegieta-Baliarrain.

FVFS